دمشق،27؍نومبر(ایس او نیوز؍آئی این ایس انڈیا)شامی باغیوں پر اسلامک اسٹیٹ کی جانب سے زہریلی گیس کے ساتھ ایک حملہ کیا گیا ہے۔ ترک ذرائع ابلاغ کے مطابق اس واقعے میں انقرہ حکومت کے حمایت یافتہ بائیس شامی باغی زخمی ہوئے۔ بتایا گیا ہے کہ داعش نے شمالی شام کے شہر الباب میں کیمیائی مادے والا ایک میزائل داغا، جس کی وجہ سے ان باغیوں کی آنکھیں اور جسم کے دیگر حصے بری طرح متاثر ہوئے۔ بتایا گیا ہے کہ ترک امدادی ٹیمیں کیلس کے ایک ہسپتال میں مختلف تجربات کرتے ہوئے اس کیمیائی مادے کے بارے میں مزید معلومات حاصل کرنے کی کوششیں کر رہی ہیں۔